2015/4/4
又到一年一度既復活長假期啦, 大部份既人一定好開心因為可以有個long long weekend, 不過莎拉好老土係放勞工假既, 所以long long weekend與我無關, 不過今年好彩地有個清明節, 所以有幸地有個long weekend呢, 所以一定要搵啲地方去一去, 想起中環去離島既船當中, 好似有一條航線去梅窩, 而印象中真係好似無去過(就算去過都係小時候呢), 所以不如就去梅窩吧!!!
陶寶B知道有得座船都不知幾開心呢, 不過座普通船就真係有啲慢呢, 差不多都有成50分鐘呀, 所以座座吓吹吹海風後, 無幾耐陶寶B就瞓著了, 就算到了碼頭上埋岸陶寶B都仲未醒喔.
時間都中午了, 係時候食個Lunch啦, 之前已上openrice睇過大概有咩食, 所以就一早已經有心水餐廳啦, 就係碼頭附近(麥當當後面)既China Bear.
3個大人加陶寶B叫了一個大pepperoni pizza, pasta, fish&chips及雞翼小食, 食物既味道都唔錯(重點係食完次後不是太口乾呢), 而份量都好合理(起碼合理過好多市區既餐廳). 我們座係戶外位, 吹住海風望住海景食住Pizza, 不知幾爽YY呀.
食飽飽就拖住婆婆沿著海邊慢慢行去銀礦灣, 沿途會經過梅窩熟食市場及一間聽聞係梅窩食小炒都幾出名既德仔記.
對正銀礦灣就有一間銀礦灣酒店, 之前係團購網站都見過有呢間酒店既團購呢, 不過質素係點就唔知啦. 銀礦灣沙灘唔係好大, 而遊人都唔係太多, 所以都幾清靜架. 今日天氣真係唔錯呀, 有太陽得嚟又唔係太曬呀, 熱得嚟又有少少風, 玩水又唔會凍真係好正呢. 今日陶寶B full gear出動, 又太陽帽又太陽眼鏡, 百分百summer look呀!
上次同陶寶B玩沙都已經係2歲既時候了, 佢件泳裝都今年已經變得有些窄窄地啦, 成個肚Dum包住晒呢. 可能太耐沒有試過玩少既感覺了, 所以一除咗對鞋行落沙灘時, 呢位小朋友就已經哈哈大笑, 自我開心一番.
今次帶咗一啲玩少既工貝等陶寶B自我發揮, 因為教佢將沙剷去個筒內時, 陶寶B好有主見地將啲沙剷落個花灑內, 真係佢有佢玩法喔.
銀礦灣沙灘都算乾淨, 不過沙就啲粗呀, 香港既沙灘絕對同水清沙幼無關呢. 係沙灘上見到有人掘蜆呢, 所以我地都試試呀, 掘深少少真係有蜆呀, 不過全部都係BB蜆, 教陶寶B掘沙, 當佢一見到BB蜆就好驚訝大叫"BB蜆呀", 好誇張既演技呢! 銀礦灣沙灘好似係有沖身設施, 不過今日沒有真係整個身浸落水度, 所以就咁拍拍個身就換衫啦, 上網見過有媽媽介紹用爽身粉就可以更加容易拍走身上既沙呢, 唔知有無媽咪試過呢招呢?!
No comments:
Post a Comment