復活搗蛋we嘩充氣嘉年華

2015/4/6

復活節其實可以叫放電節, 因為多日假期一定要諗定節目俾小朋友玩, 不過玩咗幾日啦, 真係大人都已經謝謝地了, 所以到了最尾一日既假期要安排一些簡單些既玩意先掂. 剛好屋企附近攪了個we嘩充氣嘉年華.

場內有好多彈彈床玩, 陶寶B可以盡力跳跳跳啦. 場內有3種吹氣彈床及滑梯, 不過陶寶B仲細呢, 所以最驚險既滑梯就無俾佢玩了. 

陶寶B就去了玩個小童彈彈床, 內裡有小型滑梯, 對陶寶B嚟講都已經好好玩架啦.

佢不知玩得幾開心, 不過開心既時光真係過得特別快, $30就只係幾分鐘呢, 真係幾貴. 

除了有彈床及滑梯, 仲有日本跑馬仔玩, 呢個真係好得意呀, 有不同動物可以騎. 陶寶B就自己選了馬仔.

起初陶寶B都唔係好識得點樣騎而可以令到仔馬字行, 不過經過郁兩郁後就開始知道個方法了. 因為實際太好玩啦, 最後呢個遊戲總共玩了2次, 價錢當然又係燒銀子($40又係得幾分鐘咁大把). 好彩呢個we嘩充氣嘉年華唔係常常有, 如果唔係就真係銀包出血都似呀.