愉景灣沙灘滑出Summer Fun 2015

2015/8/2 

今年既夏天天氣真係唔錯, 暫時只得有一個Weekend係下雨天呀, 所以莎拉已經係連續第N次去沙灘玩啦. 不過今次既沙灘活動就有少少唔同呀, 因為係有一條又長又高(有11米高)既吹氣滑梯免費任玩呢. 吹氣滑梯開放時間係由11am-6pm, 所以就先約埋朋友們搭10:30am既船, 陶寶B呢個笑容正正係未出發先興奮!!!

入到愉景灣就當然先食個big breakfast先. 對住個海景食早餐真係零捨好味架.

活動主辦單位仲提供了一些沙灘椅及太陽傘(免費架), 不過我們11am到達時所有沙灘椅及太陽傘已沒有了, 所以如果真係想要沙灘椅及太陽傘就真係要早些嚟啦. 

雖然沒有了沙灘椅及太陽傘, 但都有少量既樹蔭位, 所以只要自己準備好沙灘墊都可以架啦. 我們當日都係在樹蔭位下hea足一天呢.

呢度既沙灘叫大白灣, 係一個人造沙灘, 而沙灘既沙就係由海南島運來既, 所以整體啲沙係好細滑既. 陶寶B換好衫就已經急不及待要做衝出去做佢既Beach boy啦! 不過, 行近個岸邊睇, 啲水質就真係唔多掂. 

話明人造沙灘就梗係無咩浪, 所以水質就當然麻麻地啦. 不過係岸邊玩吓沙就都可以既, 游水就真係唔多好啦.

小朋友就玩吓沙啦, 至於大人既重點節目就梗係玩吹氣滑梯啦. 嘩,,,個滑梯從下而望上去都知好玩了, 啲人一落Sir一路大叫聽到都知刺激了. 莎拉就同朋友們輛住去玩 (因為要睇實陶寶B), 排隊前記住去登記咗chop個手印先(facebook like 愉景灣個fans page), 大約排了35分鐘就可以玩了. 其實爬上去滑梯時都好緊張呀, 因為真係幾高架, 終於爬到上底, 向下望真係好鬼C斜呀, 一SIR落去真係好快好快, 離心力仲好強添, 嘩,,,,真係好好好…….玩呀!!!!!

溫馨提示想去玩既朋友們, 當日在場觀察, 上半既時段人流比較少, 每次大概排25-30分鐘就有得玩了, 但到了4pm後就人多到不的了, 眼見多了足足一倍呢, 所以4pm後莎拉都已經沒有再排隊玩了, 所以最好就早些去玩避開人潮. 另外吹氣滑梯有2個清潔時間, 無記錯好似係1pm-1:30pm及3:30pm-4pm架.

另外主辦單位仲設立了臨時沖身處, 但因為花灑數量有限, 排隊沖身既人又多, 所以都唔係好意思慢慢洗呢. 至於更衣室就係商場內既洗手間, 因為係商場既關係, 所以都償算乾淨.

開心既時間過得特別快, 就係就係愉景灣Hea了一個下午了, 今次玩完後又心思思想去再玩多次呢…..夏天唔玩留翻幾時喎!