髮型屋之初體驗

2015/8/1

話說陶寶B由出世到而家都從來未幫襯過髮型屋架, 佢過去既”飯碗頭”都係出自莎拉之手. 不過因為頭髮愈來愈厚了, 加上又要交學生相, 所以係時候出去搵人剪啦.

其實係上個星期六謝菲嗲哋已經單拖試過帶了陶寶B去了試剪架啦, 不過未坐定陶寶B就已經喊了, 所以上次完全係Mission failed.

因為有此經驗, 所以今次就係再次踏足salon前係屋企同陶寶b嚟個心裡輔導, 係屋企同佢玩幫公仔剪頭髮, 等佢打定底.

好啦, 到咗當日行到去salon門口, 陶寶b隻腳就已經踩break, 點都唔肯入去. 咁好啦, 唯有抱佢入去啦. 入到salon首先就坐係謝菲嗲哋大脾上等, 佢一路等一路就叫走, 仲要好似好想喊咁呢. 而莎拉就一路同陶寶B講嘢一路分散佢既注意力, 就係咁坐了10分鐘後就開始放鬆一些, 而期間陶寶B就係度觀察周圍環境.

到了開始準備剪頭髮啦, 陶寶B一見個髮型師行埋嚟就又開始緊張了, 咀臉立即變到又想喊, 攬到莎拉實一實. 好彩莎拉早有準備, 呢個時候就出動秘密武器, 就係迷你TiaTac糖了, 就係呢一小盒糖就安撫陶寶B既情緒. 當髮型師一開始掂陶寶B, 陶寶B又再失控了, 所以莎拉又再出動第二個秘密武器-巴士車仔, 就係呢架巴士車仔加埋盒TiaTac糖, 終於令到陶寶B可以成功剪頭髮之餘仲可以Gel埋個頭添 今次總算Mission complete呀.

Gel埋個頭後立即型仔晒, 沒有了之前個傻豬feel喔, 不過呢個型仔氣質只限於gel頭後出現, 因為一回家洗頭後就又變回傻豬了.