3歲生日hea遊澳門兩日一夜(下)

食飽後就向下一站目地的---澳門科學館(http://www.msc.org.mo/)出發啦. 過往從來都沒有想過會澳門科學館的, 不過既然是同小朋友去旅行, 行程上都要找一些親子玩意喔. 係澳門找的士真係好難, 所以我們就搭巴士去澳門科學館了. 而陶寶B一直都好鐘意搭巴士的, 呢個安排佢都好開心呀. 

澳門科學館既外觀真係夠晒Cyber, 令人立即想起外太空外星人呢類東西. 

跳起影相呢啲咁Chok既動作, 當然留翻俾謝菲去做啦, 因為莎拉做同一個動作影出嚟好樣衰呢.

買了入場門票後就首先去locker(免費的)放下部份行裝, 咁就可以行得輕鬆些. 

陶寶B, Are you ready to play?!!!!!

澳門科學館總共分了13個不同主題既展館. 最受小朋友既展館一定係呢個專為小朋友(120cm以下)而設的"兒童樂園廳", 因為有好多新奇既玩意玩, 主要係視覺及聲音既遊戲呢.

而館內最正就係扮建築工人呢一part, 因為大人小朋友都要帶頭盔, 似模似樣架.

 陶寶B好努力去用水泥車去搬發泡膠磚, 好好笑. 

陶寶B既駕駛技術好似麻麻地呢, 有些失控喔.

男人專心既樣子真係特別Charm架, hahaha!

今日因為係平日, 所以人流真係好少, 人影都唔多, 所以影相完全沒有甲乙丙路人, 不過相信星期六日呢一個展館一定好爆呢. 

之後就係"兒童科學廳", 呢個館受歡迎因為有水玩呀, 館內有好多同水有關既科學. 小朋友一見有水玩就會特別開心, 陶寶B咁細個當然不會明白背後既科學啦, 佢只要有得玩就最開心. 

澳門科學館真係好大, 莎拉同陶寶B玩了一半已經好攰啦, 攰個位係大人, 不是小朋友.

莎拉真心推介澳門科學館, 因為真係好好玩, 唔好話小朋友, 就算係大人都覺得好好玩呢, 香港個科學館真係好唔掂要行埋一邊. 玩吓又抖吓咁就係澳門科學館玩咗3小時. 提吓大家澳門科學館旁有一棟心型樹, 不過當日因為天氣太熱了, 莎拉沒有留意到心型樹所以錯過了. 

澳門科學館門口雖然有巴士, 但不是直接去官也街那邊, 所以最後我們選擇了搭的士! 不過澳門真係好難搵的士呢, 等了10分鐘一架都無, 唯有一路向MGM行一路等啦, 最後用了差不多20分鐘先見到架剛剛落客既的士呢.陶寶B玩咗一整天都未瞓過覺, 一上到的士無耐就瞓咗啦. 

於是去到官也街就唯有搵個地方座低等陶寶B瞓醒先繼續. 因為謝菲極度想飲澳門咖啡(由昨日等到今日了), 所以就亂打亂撞就走了入Bitter sweet.

小店既格局但收費就starbuck既價錢. 而看看周圍既介紹, 似乎呢間bitter sweet係一間地道澳門人開的, 而佢地既木糠蛋糕似乎好出名呢. 天氣咁食嚟番杯冰凍咖啡真係無得輸呀. 

小休一會後, 陶寶B都瞓醒叉足電啦. 成條官也街都係賣手信既鋪頭, 因為係平日既關係其實都唔係太多人流, 唯獨只有呢間小店"晃記餅家"係有人排隊之餘, 仲係沒有任何試食. 

莎拉印象中都好似未有試過呢間晃記餅家, 難得人龍又唔長, 就幫襯買咗一些手信. (回到家後, 食過佢地粒粒杏仁餅及肉切酥, 個肉切酥真係好好食, 味道有啲似崩砂, 不過就又脆又唔油膩, 早知就買多些翻嚟啦). 另外一個嚟官也街既目的就係食水蟹粥了, 相信誠昌係無人不識啦, 不用多介紹了. 

今次除了必吃的水蟹粥, 仲叫了個螃蟹伊麵. 水蟹粥就依然鮮甜, 而個螃蟹伊麵都好好味. 濃味但絕不口乾, 陶寶B仲添食咗好多碗呀. 

食完呢個Early dinner就返酒店取回行李之後就搭船返香港, 結束呢兩日一夜既hea遊澳門. 從前每次去旅行都會安排行程好多節目, 但係同小朋友去旅行就學識要hea遊慢遊, 因為咁先可以好好享受.