唔講大家唔知, 其實陶寶B係一個左撇子, 用手做好多嘢時大部份時間都係左手行先. 其實莎拉一直都覺得用左手唔係咩問題, 無咩所謂啦, 但係曾經聽聞過左手最大問題就係教寫字, 而莎拉曾經用左手教陶寶B揸筆寫字後就發現問題啦, 因為莎拉自己係用右手既, 所以教寫ABC時連自己都反轉寫了. 因此就係由呢一次經驗後就想改變陶寶B轉用右手呢.
不過其實莎拉呢個想法真係大錯特錯呀, 因為上了K1後, 開始有啲寫寫畫畫既家課後, 但見陶寶B改用右手後靈活度差咗好多. 同老師傾過之後, 老師都唔建議特登去由左手改右手, 因為小朋友已經習慣了用左手一段時間了. 所以教寫字困難呢個問題, 唯有媽媽辛苦一啲, 自己都學用左手寫埋一份啦. 其實想深一層都係既, 用左手用右手分別都唔大, 最大問題就只係學寫字, 但係學寫字不用學一世的, 最多咪辛苦嚟緊既幾年,之後就無嘢啦, 所以一於就由得陶寶B自由用左手啦.
好似話頭幾年都未定左手定右手，雖然多數都由得佢發展，不過我又睇過篇文章提及寫字以外，使用左手在這個右手為主導的社會各種不便，諗深一層又未必迫得到，可能自由發展更好。
ReplyDelete其實你講得好啱呀, 迫都迫不到得, 就由得佢啦, 生活上既不便佢日後會自自然然會習慣得喔
Delete