渣打藝趣嘉年華2015

2015/11/16 

從前沒有小朋友時, 2個大人既週末活動都唔及現在精采呀, 因為小朋友係不能整天待在家中或常常行商場的, 所以而家都會多了留意多些週末既戶外活動, 而呢個星期就有係維園舉行既渣打藝趣嘉年華, 見個天氣預告星期天會陰陰天, 所以今天就早些出門玩啦. 

莎拉都係第一次參加呢個藝趣嘉年華, 不過聽聞呢個活動係好大型架, 因為會有一些大型木偶公仔係銅鑼灣巡遊架. 

去到維園都係早上10:30, 人流未算太多, 場內一旁就擺放了一些大型木偶公仔, 相信係一陣晏些巡遊既公仔. 

整個維園有不同既攤位, 有小手工既, 有Face painting, 有音樂既, 總之就係同藝術有關既活動. 莎拉立時就被一個人肉萬花筒吸引了.

點樣人肉法, 咪就係大人同小朋友同時瞓上個圓型轉檯, 之後上面就有個鋼頭影住加上特技效果就做到人肉萬花筒啦, 玩完之後就即時會print翻張相之間仲可以上網睇翻萬花筒既video添. 

之後就被一些鼓聲吸引啦, 原來係非洲鼓.

 陶寶B都去吓試玩, 雖然未必跟到拍子, 但係同其他小朋友一齊拍拍打打不知幾咁開心呢. 

場內見到有好多小朋友畫了花面(face painting), 當時要俾陶寶B體驗吓啦. 好彩一早人流唔到, 排了10分鐘就到陶寶B啦. 問佢想畫咩, 佢就答姐姐”Rainbow”, 估唔到陶寶B第一次Face painting會選擇畫彩虹呢, 畫既過程佢坐得好定, 不過就好似有少少緊張呀, 因為佢全程都捉住莎拉隻手呢, 哈哈!!! 

小小地係塊面度畫花面, 好得意呀, 搞到莎拉都想畫埋一份呢. 

畫完個Face painting後就突然落起大雨來, 真係好掃興呢. 如果唔係落雨真係可以玩多幾個攤位架, 唯有下年再玩過啦.