2015/10/1
秋天開始一步一步接近啦, 係時候開始由玩水轉為行山啦. 國慶假期雖然天陰陰有可能有陣雨, 但係反而咁既天氣行山仲行得舒服一些呢.
食過早餐就出發去中環碼頭, 剛剛好趕得切去索罟灣既加班船, 雖然船程只係短短30分鐘, 但係架船盪盪吓真係好想瞓一陣呢. 上一次嚟南丫島時都大約2天前了, 當時陶寶B全程由嗲咃揹住行山, 今日陶寶B大個仔啦, 唔知自己可否自己行畢整個行程呢?! Let's
go!!!!
因為出發前已經食咗早餐, 所以就決定行完山先食lunch, 因此快速穿過兩旁既餐廳就開始今日既行程: 索罟灣至榕樹灣.
路過天后廟, 陶寶B見人地拜拜佢就有樣學樣扮拜拜.
陶寶B你識唔識睇地標架, 不如你帶路啦.
行經石灘見到啲水清到真係見底, 唔怪得有人行落去玩水浸腳啦.
沿途路旁都有一啲自然教育既牌,
莎拉行埋去望真啲時陶寶B都不甘示弱要一齊睇, 見到係介紹樹蛙既佢都會有心機聽吓, 但係如果係介紹植物既就聽兩秒就掉頭走人啦.
行咗1/3既路程終於都到第一個check
point涼亭#1啦, Um, 座低休息食吓提子先.
先前既1/3行程, 陶寶B都係自己行既, 到了第二部份既1/3行程, 陶寶B就開始要扭抱了, 所以唯有就Keep住同佢講一陣第二個涼亭就有雪條食架啦,
加油自己行啦.
不過小朋友既意志就當然係薄弱啦, 所以呢一段既路程就係在扭抱->鼓勵(雪條利誘)->扭抱->鼓勵(雪條利誘)呢個cycle中完成.
終於都到了山頂呢個涼亭#2啦, 唔好講笑, 啦啦聲食番支雪條先.
雖然話就話天陰陰, 不過都出到成身汗架, 真係好彩唔係陽光譜照咋, 如果唔係真係曬到溶呀. 到了最後見到洪聖爺灘就即既到了最後既1/3行程啦.
雖然係落山既路程, 不過陶寶B行咗一陣都係想扭抱, 好不容易終於都行到山腳既阿婆豆腐花啦, 又咁好彩有位當然要食翻碗啦, 平時鬼C咁長人龍.
沿途落山既行程有唔少檔口賣手作仔,
最特別就係有個婆婆賣既手造金魚仔, 好得意手工又靚都只係$10, 真係手工心機錢都要啦, 諗都唔諗就揀隻(可惜行行吓唔見咗, 帶唔到金魚仔返屋企).
小朋友見到玩具就一定會衝去睇, 睇既時候幾精神呀.
不過睇完玩具後, 相信陶寶B已經攰到極點了, 點樣氹都已經唔肯自己行啦, 好啦抱就抱啦, 抱唔夠5分鐘就已經瞓著啦,
都係既平時呢個時候陶寶B一早瞓緊晏覺. 陶寶B瞓咗就不如搵間食店坐底食個lunch, 最後就去了食泰國菜, 食吓串燒加個東陰公粉真係好滿足喔.
雖然陶寶B瞓咗,
但食飽臨走前都不忘買了兩串串燒等陶寶B瞓醒有得食呀, 莎拉仲諗住陶寶B一定食唔晒啲串燒, 勢估唔到陶寶B係回程船上一個人就KO晒, 真係勁呀.
No comments:
Post a Comment