慶生飯@The Captain’s house

又大一歲喔, 從前都會同謝菲食個二人世界慶生飯, 今年都係第一次帶埋陶寶B在正日食生日飯呢. 以前如果二人世界揀選既餐廳主要都係想浪漫一些, 但係2+1既組合都係搵一啲適合小朋友既餐廳會好一些啦. 今年就揀咗係尖沙咀既The Captain’s House, 主打美式New Orleans style海鮮煮法. 餐廳用咗大大隻龍蝦公仔做Logo真係夠晒搶眼. 

呢間餐廳都係Family friendly, 因為有crayon預備俾小朋友kill time.

餐廳最出名就係Captain’s Hot Seafood Bag, 分別可以揀選3款, 5款或8款海鮮, 我地得3丁人就揀咗3款海鮮(小龍蝦, 帶子及長腳蟹)配檸檬牛油汁. 

另外就再點了個crab cake(蟹餅)及龍蝦汁大蝦意大利飯. 點完菜侍應就送上圍裙3件, 一人一件著定先, 免得一震食到整污漕件衫. 

平時係屋企, 陶寶B已經唔肯穿飯衣食飯架啦, 不過今日因為見到大人都著圍裙所以佢先跟埋一份呀. 

好肚餓呀, 先嚟個頭盤 crab cake先. 好多一絲絲既蟹肉喔, 整個crab cake真係啖啖都係蟹肉, 呢個頭盤share嚟食真係好正. 

好啦, 今既既重點主菜嚟啦, 侍應遞上一個好似吹脹既大波波上嚟, 嘩真係好大個. 

影完相後, 侍應就好小心咁打開個袋, 一開之後就真係香噴噴呀, 內裡除咗有先前所揀選既海鮮之外, 仲有腸仔, 薯仔及粟米添呀, 所以其實淨食呢個seafood platter都已經夠飽呀.

 3款海鮮都好好味, 起碼食得出係新鮮既, 加埋個汁真係perfect match, 大人就食海鮮食到lam lam脷, 而陶寶B食佢既腸仔薯仔粟米, 一樣係lam脷之作呀. 

其實食完個seafood platter後都已經飽到8成了, 不過龍蝦汁大蝦意大利飯真係好抵食, 平時出去食Risotto都係得少少, 而呢個真大大碟.

唔好以為大碟就唔好食呀, 個Risotto用龍蝦汁煮所以好好味道(重點係食完後唔會口乾)個埋隻Jumbo size既大蝦真係好回味呢. 

最後就係謝菲為莎拉準備既甜品了, 陶寶B見到甜品就立時精神晒.

話晒生日點都要許願吹蠟燭架, 點知就係我合埋眼許緊願時, 陶寶B就吹咗我支蠟燭呀. Oh No, 要嚟個take 2先, 而呢一次陶寶b就係莎拉許願之時就做出一連串攪笑表情呀, 真係笑c我地呀. 不過就係佢呢啲笑料先可以令到莎拉每一天都咁開心呢.