K1上學期終結

2016/2/5 

隨著農曆新年既來臨, K1既上學期亦都終結了, 所以家長日就係假期前一日舉行. 莎拉對”陶寶B第一次見家長”呢個事項真係有啲緊張, 究竟陶寶B係課堂時有無搗蛋呢? 佢上堂時有無成日傾計呢? 班主任對佢既評語又如何呢? 呢一推既開題係莎拉通通想知道既.

到達學校後, 陶寶B就盡地主之儀帶莎拉上課室呀. 老師仲同其他家長傾譚中, 所以我地就睇住本profolio先. 

開學初期既作品, 嘩,,,呢幅畫好明顯油得好求其. 

呢一張就係上學期尾既, 唔,,,都係油得好,,,,

老師話陶寶B係一個活潑好動樂天既小朋友, 上堂時會勇於分享平時日常生活既所見所聞. 而同其他同學都會相處融洽, 不過有時可能表達不到自己既情感時就會出現爭拗. 而平時係課室玩時就最鐘意拉同學仔去家庭角玩扮打邊爐及BBQ. 呢個Favorite game好明顯係平時莎拉屋企成日打邊爐及BBQ有關, hahahah!

至於語言方面, 英文發展就完全沒有問題, 上課時可以與老師用英語對答, (相信因為由細到大所用既玩具教材及卡通片都係英文, 加上家中既Helper姐姐同佢都係用英文為主, 所以英文呢一part不成問題) 不過國語就真係麻麻地了, 呢一部份就要留意一吓.(我都知, 全家人無一個人講煲東瓜, 真係好日都唔講, 加上平時都無特別同佢溫書, 所以都有此一著)

至於藝術畫畫就真係要改善一, 睇吓陶寶B既大作就知. 因為呢個係關乎小肌肉既發展, 而平時都察覺到陶寶B揸筆既手勢係唔多好, 所以平日可以俾佢多玩泥膠去訓練小肌肉. 平時上音樂堂都好有興趣, 唱遊堂會表現得好開心.

而莎拉都有提到陶寶B既專注力問題, 都知佢呢方面係有啲弱, 因為平時叫佢做功課, 做一陣就心散. 同老師傾呢個問題, 佢都發現到, 所以平時上堂都盡量安排陶寶B坐中間, 咁就可以專注啲, 另外如果一見陶寶B遊雲, 老師就會立時問陶寶B問題, 等佢可以集中翻. 感恩陶寶B有此細心既班主任, 因為老實講教個聽話既小朋友永遠都會容易過教個心散既, 希望陶寶B會慢慢進步, 上堂時可以專心一些. 

臨走前就係課室出面既走廊睇吓小朋友們既作品.

 終於又見到陶寶B既大作啦,,,,兩個字形容"單調", 成件衫都係油一隻顏色, Haha, 呢方面真係要改善一吓.