年廿七- 行年宵

2016/2/5

新年又點可以唔行吓年宵呢? 陶寶B今次都係第一次行年宵, 所以樣樣對佢嚟講都係好新奇熱鬧. 一係就唔行, 要行就行個最大既年宵, 當然就係維園果個啦. 

可能因為係星期五既關係, 所以都未算係好多人, 起碼自拍時都仲有位影. 

陶寶B一入到場內就已經被啲氫氣球吸引住啦, 行過每五六檔就有一檔賣氣球, 唔買睇怕都行唔出個維園呢.不過行行吓莎拉就被一個LED閃閃星星Cushion吸引咗, 因為諗起可以夜晚係房嚟個twinkle twinkle little star, 就真係好夢幻呢, 所以最後就帶佢返屋企呢. 

 人咁多, 陶寶B呢個小人仔自己行時就咩都睇唔到(佢個Eye level全部係人們既pad pad, ^o^), 所以騎膊馬就最好不過. 

其實莎拉覺得年宵賣既係咩都無咩所謂, 因為行年宵重點係迫吓, 食吓, 感受吓氣氛係最緊要.