2016/2/15
話說”帶他到迪士尼”其實本應就係上年10月時就進行, 門票都賣了之濟時可惜陶寶B臨時病咗, 所有就一直等到而家先去. 當日食了一個Big breakfast之後就出發去迪士尼啦, 係門口位影相都已經勁開心了, 你開心都唔駛咬我架.
好彩今日係星期一, 所以場內既遊人都有限呀, 正呀, 陶寶B are you ready?!
一入到園內, 陶寶B就見到架蒸汽火車仲話要即刻玩, 所以幾時都話火車係男仔既至愛呀. 其實一開始坐火車都好, 因為可以俾陶寶B preview吓樂園內有咩玩.
一坐完火車後就向”明日世界”進發啦, 沿途經過美國大街小鎮都好好多卡車人物陪小朋友影相, 當然大熱既micky minnie既隊就好長了, 所以我地去咗搵松鼠影相呀.
一入到” 明日世界”就當然向巴士光年遊戲進發啦, 本來諗住要排隊既, 點知只係排咗10分鐘就有得玩啦, 正呀. 雖然陶寶B既射鎗準確性係接近”零”, 但係佢坐住張櫈可以轉轉吓, 就已經卡卡聲大笑啦.
下個目標就係”馳車天地”, 諗住唔多洗排隊啦, 點知一排就排了45分鐘, 而玩完之後仲有啲失望添, 因為一來陶寶B未夠高無得做司機, 二來架車既車速真係有啲慢呢, 同個名” 馳車”呢個期望就有啲距離.
玩完呢個” 馳車天地”就時間剛剛好返去”Space mountain”玩了. 哪, 我知, 大家一家會問陶寶B玩”Space mountain”? 唔會激得滯咩?! 事緣就係莎拉係N年之前玩, 印象中就係好黑好好玩唔危險既, 所以見陶寶B都夠高玩, 所以就一齊玩啦, 點知玩緊既中途先知係咁快, 心就一路玩一路擔心陶寶B會驚到喊.
點知, 結果係………呢張相就係玩Space mountain時影既, 陶寶B係我地3個人之中最正常最震定既果位. 一玩完落車, 陶寶B就話”黑媽媽好快呀”, 問佢驚唔驚, 佢就話唔驚; 問佢下次仲玩唔玩, 佢就話唔玩了, 哦,,,,原來你都會識驚既!
玩完呢個黑媽媽既space mountain後就去”小小世界”啦, 一去到呢度, 先知最多人既就係呢一區呢, 陶寶B一眼就對”小飛象”情有獨鍾, 就算人多都要排隊玩啦.
小飛象有得自己控制升高低, 所以陶寶B係玩得好開心, 不過排隊既時間就耐, 而玩既時間係極短, 真係眨吓眼就玩完啦. 時間夾得剛剛好.
下午既巡遊就剛剛開始, 所有人都企晒係路邊兩旁睇表演了, 雖然人多, 但係小朋友騎膊馬就一定有最好既View啦.
其實迪士尼既巡遊真係好好睇, 因為佢啲Prop做得真係好靚, 唔好話小朋友連大人都睇到嘩嘩聲呀.
No comments:
Post a Comment