其實睇完個巡遊之後, 陶寶B都已經開始無電架啦, 不過佢就仲C頂唔肯瞓一陣, 咁好啦我地繼續玩, 向Toy story 出發.
嘩, 呢個Toy story land莎拉覺得係最靚, 一見到3眼仔, 連我都要衝埋去影相呀.
剛好有Woody及Jessica係度, 又點可以錯過呢.
成日都未入過disney store, 有3眼仔既就當然要去睇睇啦, 莎拉立時就被monster university 既單眼仔吸引, 一家三傻齊齊戴, 好想買, 不過諗起好少機會戴就放棄了.
無聊既我們就嚟個真人版Woody and Jessica.
其實今日既氣溫係好低(得10度咋), 愈夜就愈凍, 所以係disney store見到有張10週年香港迪士尼既限量版毛毯都係$100(special promotion), 所以就即時買嚟俾陶寶B當被用. Haha, 攬住張被唔夠5分鐘就立即瞓咗啦.
就係咁陶寶B就中途小休咗1小時, 莎拉就周圍影吓相. 陶寶B叉足電之後就又起身再玩過啦, 見到彈弓狗狗機動遊戲就無理由放過呢.
玩完個彈弓狗狗都差不多天黑了!
, 見仲有時間就去向迷離莊園行個圈呢, 可能因為已經入夜了, 所以隊都唔駛排就直入有得玩. 莎拉都係第一次玩, 不過玩完陶寶B就好似有少少驚, 話晒都叫做” 迷離莊園”, 點都有少少驚嚇位既(對小朋友嚟講).
玩完就時間剛剛好到了Winnie the pooh遊戲既fast pass預約時間, 呢個game排fast pass足足要預約4小時先得玩, 不過莎拉覺得玩完之後真係好普通, 都唔名點解咁多人排隊玩, 相信都係因為個character吸引.
玩完個天都黑齊了, 時間又係剛剛好可以返去美國大街霸靚位睇夜光巡遊呀, 今日真係堅凍, 仲要係愈夜就愈凍呀, 好彩有張被攬住就暖笠笠.
好嘢等咗20分鐘夜光巡遊終於開始啦. 嘩嘩嘩, 夜光巡遊好靚呀, 比起日間既巡遊仲要更加精彩. 當陶寶B見到自己認識既Character就十分之興奮, 極度雀躍.
睇完個夜光巡遊後問陶寶B仲玩唔玩機動遊戲, 因為諗住如果佢話走咁就會去食飯了, 點知陶寶B話唔走住仲要玩, HAHA, 真係估你唔到, 好啦仲有1小時先關門, 我地就玩盡佢吧. 日間時見到個咖啡杯排隊既人龍長到癲, 而家就直入唔駛排隊, 玩一次唔夠喉?! 唔緊要, 玩多次都得呀!!!
見到個旋轉木馬又係無咩人玩, 好啦呢個都唔放過騎番一轉呢.
玩完之後見好多路都封了及好多機動遊戲都已經停了, 想走之時有個工作人員就話小小世界仲有得玩, 就係咁就9秒9衝去小小世界, 玩埋全日最後一個遊戲.
最後玩完時就剛剛好開始放煙花, 睇埋後就結束今日美好既一天喔.
No comments:
Post a Comment