恭喜發財呀各位Blogger, 雖然今日已經係年初七, 但新精頭都係拜年時, 莎拉同陶寶B祝各位小朋友快高長大, 聰明伶俐, 而大朋友哥哥姐姐姨姨叔叔就身體健康, 大吉大利, 龍馬精神. 咁啱今日就係人日, 當然同大家講聲生日快樂, 笑口常開呀.
查實莎拉就已經係年廿八就已經收爐了, 雖然唔駛返工但就做了十多天既FTM, 全天候同陶寶B玩, 真係仲忙過返工呀. 不過賀年三寶真一定準備好, 年花, 利是, 全盒一早就Ready晒啦.
莎拉一年才插一次花, 都見得吓人掛, HAHAHA!
全盒細細的, 但莎拉一定要放果啲傳統既糖果, 因為咁先有氣氛呢.
屋企裝飾又點少得陶寶B既賀年勞作呢, 佢條賀年魚都好Colorful喔.
至於食既Robert GO又點少得佢呢, 因為新一年一定要步步高升呀!
而今年另外就買了一些賀年曲奇模, 所以就整了一些曲奇準備去拜年呀.
所以嘢都準備好, 就可以去行花市了, 每年花市一定要行吓, 雖然明知真係好迫, 但就係迫吓迫吓先覺得似過年呀.
不過今年就改行九龍花市, 雖然細啲但對小朋友都已經好夠行了. 陶寶B未見到有氣球時, 個樣完全唔起勁.
見到有氣球, 你唔係唔買呀?! 小朋友買氣球已經成為行花市既指定動作了.
就係咁行吓食吓就開心咗一整晚了, 小朋友真係好易滿足呢.
我地行花市買左風車呀~ 恭喜發財! 新春大吉!
ReplyDelete