[盡情玩]Playright@花展

唔知大家有無帶小朋友玩過Playright呢？玩過一次後，就會不其然咁下次想再去玩，無他既，因為用咁簡單既材料都可以玩得咁開心，又可以自行發揮創意運用材料去玩，自然大人小朋友都玩得開心啦. 不過playright 既活動係不定時舉辦，有啲仲要報名先有得玩，所以莎拉都成日留意住playright 既動態！而呢兩個星期係維園舉辦既香港花卉展覽，逢星期六日就有playright 活動在其中！門票成人$14，小朋友長者$7，入去睇花之餘小朋友仲可以開心放電，正呀！

星期日食完brunch 2pm去到維園都已經人山人海，陶寶B個心根本就唔係啲花度，一路行仲一路問啲遊戲係邊度呀？！ 話晒都係到, 俾我地望兩眼好喎.

莎拉都知你心急，所以都無咩點行就一支箭行去playright 既天地了！嘩！一見到啲大波波就衝埋去坐住嚟彈，又轆住嚟玩！

玩都夠就去咗旁邊既紙牌迷宮，呢個迷宮真係又簡單又好玩.

小朋友最鐘意損嚟損去，大人就係外面睇住，自己都好想損入去玩埋一份喔！

我係跳躍進步小朋友呀.

去了幾次playright 舉辦既活動，次次都想玩個用滾輪做既洈瀡滑梯，今次終於有幾會了，人多就一定了，所以大家都乖乖排隊！

莎拉排隊之時，嗲哋就同陶寶B玩其他嘢，呢個轆轆波仔差不多次次Playright 都見到佢！

點樣可以順利由高處轆粒波仔到地面就要動動腦筋，好似建築師咁自己建造呢！

排咗唔駛10分鐘就玩得個滑板啦, 真係勁好玩呀, 唔該有無大人版架?

場內除咗有playright 之外，仲有唔同既機構單位設置攤位，其中一個就係WWF.

小朋友可以排隊畫條鯊魚係手仔度，仲可以學到環保意識添！

睇吓, 條鯊魚游緊埋嚟食咗你呀!!!

有請陶寶B即席輝豪, 係沙度寫仔原來好好玩. 

不知不覺玩到4pm, 而場內既人明顯多咗好多，所以都係打道回府啦！嚟緊呢個星期六日，如果大家無咩節目，仲可以去維園賞花之餘小朋友又可以玩過痛快呢！

陶寶b與莎拉媽