晚上婚宴鏡頭背後

行禮之後, 就又趕番去海景嘉福酒店, 番到去都已經接近5pm啦, 婚宴場地既display monitor都已經顯示咗我地個event出嚟. 我就要快快手走去換衫啦.

下午婚禮鏡頭背後

完成咗出門及進門儀式後, muse team就同我地係房度影咗啲相同拍video. 攪吓攪吓都已經到咗12pm.

姊妹及兄弟們都出咗去飲茶, 我就要快快手轉妝啦! 因為姊妹們都出咗去食嘢, 所以唯有自己除啲金器, 放係隻杯度先啦.wakaka

大婚早上鏡頭背後

分咗咁多篇blog寫大婚當日既情況, 睇吓朋友們當日影既相, 原來可以整番啲behind the scene喎!!!

大婚前一晚瞓得4小時, 當日5:30am就要起身, 因為姊妹團有6個人需要論住化妝, 所以佢地就要早早開始化妝set頭, 打開個窗簾真係天都未光齊.

姊妹們一致都話, 未見過有新娘咁輕鬆及得閒可以係咁周圍影相.

蘿蔔糕與馬蹄糕

初歸新抱, 第一年當然要扮吓全能, 學人整吓蘿蔔糕及馬蹄糕.

對上一次整蘿蔔糕已經係10多年前既事啦, 而recipe都已經唔知去咗邊. 所以N年後既今日, 我只係網上search番個食譜.

而整出嚟當然係睇得又食點, 因為足料呀嗎! 成底蘿蔔糕同馬蹄糕已經係今日下午個餐同屋企人KO晒啦, !!!Wakaka!!!

準備派利是

仲有2個星期就農曆新年啦, 今年第一次派利是, 當然要搵啲得意利是封, 滿足吓我既購買慾啦!

唔知大家有無睇過小馬既我的低能系列呢? 佢既我的低能婚禮, 我相信每個Bride to be 睇既時候都會笑到甩轆!!!! 而每年見到小馬出既利是封都覺得好靚好鬼得意, 今年終於可以買嚟用啦!

婚後既第一天

婚禮之後, 經過一晚既休息, 叉番足電, 我地10am就起身啦, 一啦開個窗簾, 嘩, 個海景好靚, 不枉我book兩晚stay係呢間房. 婚宴過後, 就直接上房, 啲嘢可以慢慢執.  

酒店就送咗個早餐俾我地, 可以揀落下面餐廳食或者係Room service, 我就揀咗留係房食啦, 可以同老公對住個Seaview慢慢嘆呀嗎.

結婚一個月啦

不經不覺已經結咗婚1個月啦, 成為陶太後既生活係,,,,,,開心!!!

可能因為我同謝菲係結婚前已經一齊生活咗一段長時間, 所以其實婚後既生活基本上與婚前唔係太大分別, 但係有三樣嘢係仲未太習慣:

我們回鄉上惠州

我地結婚後都係時候要返去佢鄉下祠堂拜祖先啦, 謝菲既鄉下係惠州, 而原來佢都好耐無返過去, 對上一次已經係佢幾歲既時候, 而我就從來都未去過惠州, 哈哈哈, 所以我地兩個就當惠州兩天遊!!!

婚宴之後-好肚餓+好眼瞓

婚宴送客後, 搞埋張單, 都已經係12am啦, 返上酒店房仲見到我當晚兩位服侍就到既近身妹仔Serena 及 Wendy, 當然要影返張攬攬抱抱既相啦.

晚上囍宴-熱鬧滿場飛

証婚儀式後影吓相都已經係4PM, 番到海景嘉福酒店既時候又要快快換衫.

當我掂晒既時候, banquet既decoration都已經攪掂, 出嚟既實物好靚, 同原先既電腦稿差唔多. 而Reception都用紫色為主, 好清雅. 當然姊妹Cally既DIY gift box令到成張reception table靚晒!!

下午証婚-緊張又開心

經過上午既出門及入門儀式, 已經係中午12pm. 我係酒店食咗少少嘢後, 就要急不及待轉婚紗. 其實之前已經影過2次pre-wedding, 但結婚當日穿上婚紗既感覺係完全唔同. 特別係帶上頭紗後, 就真正feel到緊張.

去到帝京酒店, 就入咗去新娘房休息吓, 因為當日都幾凍, 室外氣溫只有15C, 好彩有太陽, 都好少少, 但因為空中花園既位置都幾猛風, 所以當日個個都問我凍唔凍, 哈哈哈, 其實當時行禮証婚時其實真係唔覺凍, 都當之後影相時就開始凍到有啲震啦!!!

準備行禮之前, 影番張造影look先!!!

忙碌的婚前最後一日

寫寫吓先發現原來我未post我結婚前忙到甩碌既一日!!! 好啦, 帶大家睇吓忙到甩碌的一日!!!

朝早去完Wedding whisper攞衫之後, 就去酒店check in!! 嘩, 我每次check in 都係在lobby, 但唔知係咪住suite既關係, check in係在1樓個club intercontinental度座低慢慢check!!!  無聊時, 影張snap先啦!!!

又一自家手作仔禮物

平安夜既party當日, heehee, 上次整gift box既姊妹又再送我一份自家制手作仔. 今次係咩嘢呢??!!

係迷你日本紙黏土手作, 當我同謝菲收到時, 大家既反應係好靚, 同埋點可以整到咁細, 咁精緻架!!!成個製成品都係得半隻手掌咁大咋!!!

我們的即日剪片by Muse Team

收到Muse Team既email, 我們當日既same day edit己經放咗係you tube, 當然我就急不及待係度同大家share吓.

其實當晚現場睇same day edit既時候, 已經覺得好正, 而家人及賓客都對呢一段片非常impressive, 個個都話好睇.

最開心係連老公都話Muse team既片拍得好好, 我選擇Muse team係正確既. 雖然當初係擇Big day既攝影team時, 我同老公有極大既分歧, 但最後佢都覺得Muse team雖然係貴但都值得, 因為將來老咗再睇番, 都會覺受到當年我們大婚之日既一切係如何溫馨! 聽完老公咁講我就放心晒!!!

而家再番睇先知道我對老公既誓詞內容係咁, 哈哈, 老公, 放心, 我會遵守我對你既承諾, 我會係一個好老婆架啦!!!

 

http://www.youtube.com/watch?v=GQMl5b2jYE0

Happy 2011

Happy New Year!!!!!! Happy 2011!!!!!

祝所有新任靚太日日sweet到爆!!!

祝所有bride-to-be 嚟緊做個靚新娘, 事事順利!!!

祝大家2011有個好開始. 所有2010唔好既嘢全部shoot shoot away!!!!

2010年對於我嚟講真係有好大既轉變, 身份由Miss變為Mrs, 身邊既男朋友變為老公!!! 成個2010年都係忙碌中度過.

希望2011年可以戒晒所有壞習慣, 老公可以工作順利, 家人身體健康, 朋友個個開心快樂!!!