近來天氣時冷時熱, 莎拉終於都病咗啦!!!! 雖然沒有發燒, 但係所有感冒既徵狀全部齊晒, 喉嚨痛, 流鼻水, 咳, 今次真係全包宴呀! 最慘莫過於沒食藥等佢自然好, 雖然莎拉有睇醫生, 但係只係睇咗普通既家庭醫生, 所以啲藥都係盡量避免唔食, 不過代價就係咳到傻咗, 連聲都變埋呀,,,最後用咗足足一星期先至好番呀!!!!
雖然呢個星期唔舒服, 但係因為呢個星期番去陳醫生到產檢, 所以都好開心呢, 因為又可以見到陶寶B啦!!! 今次等得比較耐, 足足等咗成個鍾先見到醫生.
一上磅, 今次終於都有進賬啦, 過去2個月重咗6磅, 雖然唔係好多, 但係而家陶寶B都有成0.95kg (即係2磅), 佢依然係中碼BB呀! 陳醫生話唔需要太過介意自己唔多重, 因為最緊要係BB有重到, BB有大隻咗就可以架啦.
今次陳醫生仲照3D超聲波, 等我地睇到陶寶B個樣呢, 不過影相時佢成日郁, 所以面既上半PART影得唔多清楚呀!!! 只係睇到個下巴仔有少少尖尖地, 而個鼻就扁扁地(似莎拉呀!), 見到張相真係好期待陶寶B, 好想見到佢呢!
雖然呢個星期唔舒服, 但係因為呢個星期番去陳醫生到產檢, 所以都好開心呢, 因為又可以見到陶寶B啦!!! 今次等得比較耐, 足足等咗成個鍾先見到醫生.
一上磅, 今次終於都有進賬啦, 過去2個月重咗6磅, 雖然唔係好多, 但係而家陶寶B都有成0.95kg (即係2磅), 佢依然係中碼BB呀! 陳醫生話唔需要太過介意自己唔多重, 因為最緊要係BB有重到, BB有大隻咗就可以架啦.
今次陳醫生仲照3D超聲波, 等我地睇到陶寶B個樣呢, 不過影相時佢成日郁, 所以面既上半PART影得唔多清楚呀!!! 只係睇到個下巴仔有少少尖尖地, 而個鼻就扁扁地(似莎拉呀!), 見到張相真係好期待陶寶B, 好想見到佢呢!
原來我地週數差唔多 ~
ReplyDelete不過我要下月頭先產檢 ~ 好心急 :p
[版主回覆04/26/2012 20:59:39]你預產期係幾時呀?!我係7月23日呀!!! 每次去產檢都好期待架, 因為可以見到BB呢.
保重身體啊, 我之前腸胃炎都好驚
ReplyDelete[版主回覆04/26/2012 21:02:00]大家咁話呀, 你都要好好保重呢, 天氣開始熱啦, 真係要小心啲食嘢先得呀!
take care~要快d好返呀!
ReplyDelete[版主回覆04/26/2012 21:02:33]Thank you呀, 我而家好返啦, 不過下次真係要小心啲先得!
Dear, 你唔好咁傻豬諗住唔睇醫生先得架!! 你唔舒服要去睇家庭醫生或婦科醫生呀~ 之前我有個朋友就係有左感冒唔去睇醫生, 出左意外, 你要乖乖聽醫生話呀~
ReplyDelete[版主回覆04/26/2012 21:04:22]Yes madam!!!我個日睇咗醫生後, 食咗一次藥就無食呀, 不過下次如果咁唔好彩(touch wood), 我唔會死頂, 我一定會食藥架啦
休息多D呀.....唔食得藥的話....就要瞓足D...食清淡D~~快D好返呀!!!
ReplyDelete[版主回覆04/26/2012 21:05:30]菲, 我足足用咗一個星期先好番呀, 所以真係要小心啲, 唔病就唔駛食藥啦.
休息多D呀....小心TAKE CARE, 孕婦生病至辛苦, 唔想食藥,不過又難好,有苦自己知!! 你個醫生幾好可以檢查時照3D超聲波仲睇到陶寶B個樣咁清楚,好羨慕,我個醫生ONLY照2D超聲波........
ReplyDelete[版主回覆04/26/2012 21:10:06]係呀, 小beebee, 真係有苦自己知, 唔食藥又唔得, 食藥又唔想, 所以真係小心保重, 唔病就唔駛食藥啦. 我呢個醫生真係唔錯, 佢知3d都唔駛另外加錢, 抵番晒呀!
其實唔食藥又唔得, 你睇醫生時, 佢會開D適合孕婦既藥比你架, 果D藥唔怕影響BB架, 當然有好轉就要停藥啦!!
ReplyDelete[版主回覆04/26/2012 21:11:25]我個次食咗醫生開既藥一次就無再食啦, 唔食藥真係好難好呢, 足足用咗一星期先好番呀, 諗起都怕怕呀
hahaaa~ 係喎，下巴尖尖地，好cute咁! btw，天氣又轉，小心d，大肚婆真係不能病呢~
ReplyDelete[版主回覆04/26/2012 21:20:50]係呀, 真係要小心保重, 唔病就唔駛食藥啦
哎呀!!!咁你要好好保重身體啦~~呢幾日都落微微雨~~更加要小心呀!!!
ReplyDelete[版主回覆05/02/2012 22:41:58]係呀, 莎拉真係唔禁再病倒啦, 因為真係辛苦自己同bb呢,,,
baby is so cute =P
ReplyDelete[版主回覆05/02/2012 22:42:14]heeehee, thanks!!
下巴尖尖!!!
ReplyDelete[版主回覆05/02/2012 22:43:20]哈哈哈, 唔知到時BB出世係咪都係下巴尖尖呢?!!!