產前講座 - 優[生]養胎大全

之前係BB Care (康研)報咗個4堂既產前講座, 所以就送咗另一個course叫"優[生]養胎大全"既course. (http://www.bbcare.hk/index.php?page=courseDetail&pageCatId=5&detailId=643). 今次係第一次莎拉同謝菲一齊上堂呢, 大家放工後就一齊上去, 當日全班都full晒, 估計都有50人(大約20對couples). 主講既係一位註冊藥劑師, 內容主要分幾部份, 例如教點樣選擇有機食品, 平時如何選擇有益既食物, BB斷奶期既飲食, 食物敏感及嬰兒疫苗.

哈哈, 入到去課室, 就首先每對Couples一份禮物(最鐘意有free gift架啦), 包括一包有機小麥兒童動物意大利麵, Bioscreen美肌磨沙, Organic baby shampoo及body wash, 有機嬰兒奶粉sample及一支偏酸既純水(for皮膚).

其實課堂既內容都唔錯, 有啲智識唔講真係唔知呢, 講如何選擇食品呢一part, 其實就算沒有BB既朋友, 都可以照住Follow, 相信對身體一定有益呢. 等莎拉drop幾個point同大家分享吓先:

1) 下圖既彩虹飲食表, 每日選擇至少3種顏色既食物進食, 對身體有益.

2) 選擇食物營養密度高既食物( 100代表最高營養密度, 0代表最低營養密度).

3) 懷孕期間注意食魚次數, 因受環境污染問題, 海魚(包括tuna及salmon)會存有微量"水銀"及"二惡英", 而淡水魚就有可能存有"孔雀石綠", 因此食魚時避免食肚位(最肥既位置), 因為呢個部份會積存較多有害物質, 另外每星期食2-3天魚為佳及選擇食細size既魚.

4) 少吃人工化食品eg麵包, 餅乾, 加工肉, 紙包飲品, 醃制食品

5) 莞茜係一種好有益既食品, 它可以幫助排走身體內既水銀.

6) 減少出外用餐

其實上述既呢幾點, 如果跟到, 莎拉都會盡量跟, 唔理佢係咪真係啦, 信一信都無壞呀!