每當曵曵時

當小朋友過了2歲生日後, 就係進入令一眾父母聞風喪膽(Sorry,誇張咗少少) 既"Trouble two"反叛期啦. 陶寶B都唔例外, 由細細個時任由你擺佈既小BB, 到了而家會自己有主見仲識得同你講"No Way"添, 所以有時佢做錯了好硬頸時就要同佢講道理, 或者佢未必一定明白晒, 但莎拉信相會明白部份的, 所以道理係要keep住講, 唔可以因為一句"佢仲細聽唔明就由得佢". 

當有時好聲好氣同佢講道理時, 陶寶B都仲係話極都唔聽既時候, 莎拉曾經試過打手板或者拍檯好大聲去鬧佢, 但發現呢一個以暴逆暴既方法係完全唔得, 因為我地發現陶寶B會學了大人咁去打人或拍檯鬧人, 所以呢個方法完全失敗. 

因此而家每當要罰陶寶B時就用罰企, 仲要係企定一個位置罰企, 呢一招暫時都仲Work. 另外莎拉既殺手鐧就係"不抽不睬", 因為陶寶B最怕人地唔理佢(怕lonely既小朋友), 所以呢一招都萬試萬靈架. 

呢個歲數既小朋友已經好醒目了, 佢地好識得睇人去恰睇人去蝦, 所以莎拉與謝菲既態度處事方法都要盡量一至, 而家中其他平日有份照顧陶寶B既人, 都不可對陶寶B太心軟, 否則日後想改正"被寵壞"呢個問題就難搞了.