2015/5/10
今年母親節既活動就係去了媽媽咪咪嘉年華, 雖然呢個係BB展內裡有好多有好多參展商, 但係佢有別於平時係灣仔舉行的那些BB展呢, 因為呢個媽媽咪咪嘉年華展場內有會好多大型足氣彈彈床吹氣滑梯, 仲有重點係有巧虎出來表現呀, 所以陶寶B作為FANS之一係不能錯過呀. 媽媽咪咪嘉年華舉辦既地點在亞洲博覽館, 係就係遠咗少少, 不過就係因為遠所以人流相對較少, 所以都不失為一個好處呢. 早上食過早餐後就開始呢個追星之旅啦.
到達亞洲博覽館都只係11:30am, 時間仲早所以場內都不是太多人. 自從上次玩過we嘩充氣嘉年華時, 每玩一次彈床都要錢, 真係每跳一吓每sir一次滑梯都係錢呢, 所以今次不用錢可以無限玩仲唔玩翻夠本!!!!(又C9上身了) 場內最大形既吹氣設施就係呢個滑梯, 排隊既小朋友只係得十多個, 唔駛5分鐘就輪到陶寶B啦.
排隊既時候謝菲仲話陶寶B識唔識玩架?! 會唔會向前"鐘"架?! 會唔會有危險架?!!洗唔洗同佢一齊上去玩呀?! 唉~~~莎拉媽媽一句"咩都唔駛, 等佢自己上去玩, 陶寶B一定Handle到". 謝菲擔心既都多餘呀, 陶寶B雖然係第一次, 但絕對不難度, SIR完落嚟, 陶寶B仲話好好玩好開心呀! 既然咁開心當然要玩多一次啦, Yeah yeah yeah!!!
除咗有sir滑梯之前, 仲有不同大細既彈床玩, 陶寶b又可以盡情去跳跳跳啦(盡情放電之真). 呢個吹氣滾筒, 陶寶B自創另類玩法, 佢有佢Enjoy!
場內除了有彈床玩之前, 仲有唔少攤位活動, 今日係母親節, 影翻張sweet sweet鍚鍚剪影相應吓節啦.
玩咗一排行完一個圈後, 時間都差不多好快就到巧虎出場啦. 排排座, 座定定準備見巧虎喔!!! Yeah yeah yeah!!!!
巧虎出場啦!!!! 陶寶B就好似小粉絲咁跟住巧虎唱歌拍手, 十分陶醉呀!!!! 粉絲見面會又點少得與偶像見面合照呢!!!!陶寶B一見到巧虎就用熊抱既方式去攬住巧虎啦, 好明顯呢個小粉絲真係好熱情喔!!!!!
最後就加埋我地呢兩位超齡粉絲影張大合照嚟結束今日既行程. 今日陶寶B真係玩得好開心好盡慶, 返到屋企仲Keep住好hyper既心情不停提住巧虎, 呢一啲咪就係小粉絲既表現囉!!!!
No comments:
Post a Comment